Фанни ўқитишдан асосий мақсад - талабаларга cув хўжалигида гидротехника иншоотларининг роли; гидротехника иншоотлари турини танлаш ва уларнинг жойлашиши (компановкаси) билан боғлиқ саволларни ечиш учун табиий шароитларни (рельеф, геология, гидрогеология, иқлим шароитлари, маҳаллий қурилиш материаллари мавжудлиги ва бошқалар) баҳолаш асосий принциплари бўйича йўналиш профилига мос билим, кўникма ва малака шакиллантиришдир.
Фаннинг вазифаси - талабаларга гидротехника иншоотлари конструкцияларини ҳисобий асослаш ва лойихалаштириш усуллари; гидротехника иншоотларининг атроф–муҳитга таъсири, техник–иқтисодий факторлари, эксплуатацияси (ишлатилиши), қурилиш ишларини бажариш шароитлари; сув ресурсларининг комплекс ишлатилишини ҳисобга олиб дарёдаги иншоотлар бўғинларини ва алоҳида иншоотларни лойихалаштириш принциплари билан таништириш; гидротехника иншоотлари қурилишида илмий – техник тараққиёт бош йўналишлари, йиғма конструкцияларнинг кенг ишлаб чиқарилиши, қурилишнинг унификация ва индустриализация принциплари, техник эстетикаси, меъморчилиги ва уларнинг гидротехника иншоотларини лойихалаштиришда ва қуришда ўрни; гидротехника иншоотлари қурилишида ҳосил бўладиган масалаларни ечиш учун олинган билимларини амалиётда ишлатилиши тўғрисида талабаларга ўргатишдан иборат.